邵仲衡拍合拍網劇唔習慣好服侍：千祈唔好有人跟住我
撰文：林通賢
出版：更新：
見到好多TVB人都有份拍，包括歡喜哥，但他今次不用做臥底了。（陳順禎攝）
寰亞優酷合拍網劇《蝕日風暴》今日舉行記者會，看片名都知是關於警匪卧底題材的劇集，除了主角張智霖、薛凱琪、王陽明外，亦有一眾熟悉的無綫面孔，包括卧底片常客許紹雄。不過他今次不是做歡喜哥，就不用演卧底，只演薛凱琪爸爸。
大佬孝呢期拍劇長拍長有。（陳順禎攝）
卧底劇，最重要是奸角，而《蝕日風暴》的final boss就是劉兆銘，可惜銘sir今日就沒有出席活動，反而第二大奸角邵仲衡就有出席。拍完《詭探》後，大佬孝再次拍劇，而且是合拍劇，他表示因為有Chilam、銘sir先答應拍攝，他說：「套劇一出就知我係咩人嚟㗎，我係銘sir由細到大訓練成為卧底嘅，我就係因為銘sir、Chilam先拍咋。」
雖然《蝕日風暴》將在國內播映，不過大部份拍攝地點為香港，也是孝哥接拍的原因，他說：「《詭探》其實大陸都睇到，亦有好多單位搵我上去，但我唔返喇，我返得太多喇，我係第一代返大陸拍嘢嘅，以前做生意又係，我覺得製作先係最重要，呢套劇本、搭景呀、導演呀，全部係清楚晒，去到現場拍，每個單位都係好機動性，成件事製作好香港，好高水平。」 但就是因為劇組太細心，令孝哥有點不習慣，因無時無刻有人跟着孝哥，他說：「劇組好好嘅，有時有啲跟住我，我就真係唔係好慣，我係獨行俠嚟㗎，一條友嚟，一條友走，千祈唔好有人跟住我，我好怕，但我知佢哋係好嘅，不過我唔慣㗎。」
+3