【萬千星輝】陳國強完騷訓話 以王晶為學習典範：不停增值自己
撰文：郭敏玲
出版：更新：
原來陳國強都有面對重大壓力。（陳順禎攝）
TVB的《萬千星輝頒獎典禮》終於完滿結束。開心完就要聽老闆、高層語重深長的說話，所謂：「聽君一席話，勝讀十年書。」
先來TVB的董事局主席陳國強在藝員面前講到當初以外行人身份投身電視業，他自言有很大壓力：「一遇到問題，我都會失眠瞓唔着。」他的壓力源於有夢想：「我作為公司主席同公司領導層，帶領住一間咁大嘅公司，面對全球咁多觀眾、社會變遷、科技發展，我哋受嘅壓力都好大。」夢想是甚麼？陳國強說：「你哋（藝員）嘅前輩已經衝出國際，對你哋嚟講係好大動力，亦都係壓力。對我嚟講，我每日都要學習。Michael（許冠文）同我講，要成功要有三大因素，就係努力、努力同努力。我一直都有記住佢嘅說話。而王晶呢佢每日都不斷咁增值自己，佢對演藝界嘅熱誠同貢獻…佢同王晶都係我要學習嘅典範。」
杜之克向藝員講，最想TVB劇集可以佔星馬一席位。（陳順禎攝）
與此同時，陳國強提到利孝和及邵逸夫，兩位電視界傳奇人物。如今到自己接棒，陳國強多次強調自己充滿壓力，似是鼓勵藝員要多加努力。
至於無綫副總經理杜之克，就是專門負責幫TVB看數字，並且將TVB劇集衝出國際。他說：「過去TVB有13套劇，有8部打咗入內地，我希望未來最多有10套都可以打入內地。」杜之克除了北望神州，還希望將劇集衝出中國：「更加希望內地、台灣、新加坡及馬來西亞，都可以睇到我哋TVB嘅劇集，呢4個地方叫做Home Market。而希望劇集藉網絡嘅勢力，令到TVB嘅劇集，可以喺幾個地方佔一個好強大嘅位置，充分發揮住佢嘅作用。」
+4