【開心速遞】切忌功高蓋主　大小姐同Jenny鬥派千元大利是出晒事

放完農曆年假開工大吉，一眾打工仔最關心同最開心的當然是返工𢭃利是啦，其實一般已婚同事派的利是都不會太大封，通常都是$20封，想要豐厚的利是當然是要向上司甚至老闆埋手。昨晚播出的一集《愛 ‧ 回家之開心速遞》就講接龍集團一班員工於公司內四圍去𢭃利是，又拆利是討論有幾多錢。大小姐龍力蓮 (林淑敏 飾) 一向都不派利是，但為了對抗首年派利是就豪派$500一封的Jenny (陳偉琪 飾)，於是就大派$1000封利是來挽回面子，免得被Jenny攞晒彩。

大家在公司可有遇過好似大小姐同Jenny咁樣的人，為了爭面子而鬥豪派大利是？如果有就真係恭喜你呀！大小姐同Jenny不只鬥派大封開工利是，Jenny因為自己派$500封少過大小姐的$1000封，仲癲到補多封$1000的收工利是，搞到公司同事大排長龍去𢭃她的利是，試問有幾多個打工仔有幸會收到上司/老闆的千元大利是吖？作為成個集團的大老闆大龍生龍敢威 (羅樂林 飾) 都只是畀$50一封咋！亦因為咁樣，當他知道新抱Jenny封$1000封，即刻唔高興，覺得被人落了面。正如大小姐所講：「絕對唔可以功高蓋主，亂咁派大利是咁咪搞亂晒秩序囉，做壞規矩喎。」所以派利是切忌闊綽過上司/老闆呀。