陳琪獲大女JayJay送禮出冧功 勁感動：用晒成份零用錢！
撰文：陳栢宇
出版：更新：
雖然陳琪都離開咗TVB一段時間，但關注佢嘅人數卻不跌反升，因為最近佢好成功咁轉型做親子KOL，經常在網上分享湊仔心得，閒閒哋每個Post都有過千人Like。同老公胡諾言有兩女一仔嘅佢昨晚就在社交網站指自己收到大女胡芷苓（JayJay）嘅禮物，除咗一條閃到暈嘅頸鏈，仲有一封親筆寫嘅英文信，令網友大讚JayJay勁乖勁Sweet。
陳琪轉型做親子KOL都轉型得幾成功。
JayJay寫嘅封信就咁嘅：「Dear Mum. On Wednesday, I think you are very sad so I broght a present to you! Hope you like it! Love, Jay Wu.」意思即係「我星期三嗰日知你好唔開心，所以就帶咗份禮物畀你，希望你鍾意。」雖然個brought字就串錯咗做broght，但小學三年班寫到咁嘅英文已經好叻。
好有Heart！
不過呢個都唔係重點，重點係陳琪畀大女搞到好感動，佢仲忍唔住留意話：「今日收到家姊嘅一份禮物！個傻妹用晒自己嘅零用錢，喺學校聖經角買咗呢份禮物。我覺得好靚，呢份禮物超出101分。」她回應網友時又笑說：「我都係第一次知道原來學校有呢啲嘢買。」
妹妹Jacey同細佬Jayden都要以家姊JayJay作榜樣呀！
唔知係唔係太開心，之後陳琪都不停玩自拍Post上網：