【多圖】日本醫科女生同佐佐木希勁似孖生姊妹　IG吸逾27萬粉絲

相信呢個世界上應該唔會有人係鍾意睇醫生的，一諗起生病時嗰種辛苦，又要食藥打針，大家都唔希望要幫襯醫生。不過如果那位醫生係日本呢個靚女能見真優華，就唔同講法喇。出生於1993年1 月4日，現年25歲的能見真優華是日本東海大學醫學部學生，成績優異，畢業後將會正式成為一名醫生。除了讀書叻，她的靚樣亦迷倒了很多人，樣子激似日本女星佐佐木希的她，不止在校內風靡萬千男生，就連中、日、台、韓等多地都有她的粉絲，她的instagram就有超過27萬的Followers，相當犀利。

能見真優華努力修讀醫科，進行實習工作的同時，亦會兼職做模特兒，拍過不少雜誌和廣告靚相，亦上過日本的電視節目，當然亦有藝能界的人向她招手遊說她成為藝人。不過她卻目標明確，一心只想成為一位專業的醫生，投身醫護界。各地的網民都紛紛於她的ig和討論區留言，大讚有理想，又話好想搵她為自己睇病，就算詐病都要去見她，想她來負責做身體檢查，仲話因為她呢位靚女醫生，病人的數目應該會激增。