【報稅2018】林夏薇從來唔使為報稅煩惱：我連交幾多錢稅都唔知道

又到了要報稅的月份，唔知大家收到由稅局發出的綠色信封未呢？相信有不少人都會為點樣填報稅表而感到頭痛，又要計埋各項免稅額，夫妻又應分開報抑或是一齊報呢？究竟點報先最划算？作為無綫藝人的林夏薇就完全無呢個煩惱喇，因為有專人負責幫她報稅，不過就不是TVB，而是她自己顧用的會計公司。

林夏薇表示：「我除咗係演員，仲有一啲其他嘅生意，而且都有幫屋企手，所以唔只得演員嘅工作收入，一直都有搵會計公司幫我處理報稅嘅嘢，自己無理過。因為工作實在太忙，根本都無時間去搞，我連要交幾多錢稅都唔會去計，要交幾多錢我都唔知。希望遲啲無咁忙可以自己接手返呢啲私務。」已為人妻的她透露和老公是分開報稅的。