【兩棲發展？】衛詩想拍驚慄電影：但唔係鬼片！

衛詩最近一直同朋友在籌備音樂上嘅計劃，想盡早推出新歌畀大家聽到新作品，但衛詩除咗音樂上有新發展之外更希望踏進電影圈拍戲：「可以嘅話我想嘗試演戲，自己特別鍾意動作電影及驚慄電影，但唔係鬼片，係個啲情境驚險，即係同心理有關。」最近佢家姐衛蘭聲帶唔舒服，作為細妹嘅衛詩當然緊張：「佢宜家擔心緊，因為佢嚟緊有個Show，要唱好多歌，佢都想畀最好表現大家睇，所以佢都要去醫生。」

兩姐妹至今都仲係單身，身邊唔少朋友都催促佢哋兩個快啲拍拖，但畀最大壓力佢哋嘅其實係阿媽：「要搵到一個啱嘅對象先，最近真係冇人追我，反而媽媽實在仲急過我，但我想搵一個好好對象，要順其自然，我都想媽媽開心，希望盡快遇到。」