【天命所歸】羅嘉良演唐太宗鬥佘詩曼 必爆元素齊集點解會胎死?
撰文：鄺鈺瑩
出版：更新：
羅嘉良曾三度封視帝，搵佢飾演唐太宗最適合不過。
宮廷鬥爭劇向來都深受觀眾（特別是家庭主婦）歡迎，由香港的《金枝欲孽》、《宮心計》、熱播中的《深宮計》到內地的《甄嬛傳》、《芈月傳》、《武媚娘傳奇》，為權為情爾虞我詐、紛繁複雜的角色和同經典台詞等因素，大大增強追看性。
魏駿傑於劇中飾演李建成，於玄武門之變中被李世民用箭射死。（影片截圖）
無綫自《金枝欲孽》後，幾乎一年一宮鬥劇，而在04年的節目巡禮上，就曾經出現過一部名為《天命所歸》的作品，該劇以唐朝的玄武門之變為背景，講述唐太宗呢位歷史上公認的明君，如何發動兵變、弒兄殺弟成為皇帝。，而在當年的預告片中，由羅嘉良飾演唐太宗（李世民）一角，魏駿傑同鄭嘉穎則分別飾演李建成、李元吉。
雖然《天命所歸》拍唔成，但同時因為《金枝慾孽》的播出而令佘詩曼發熱發亮。
雖則話睇羅嘉良同魏駿傑已經夠精彩，但宮鬥劇又點能無女主角呢？無綫當年就搵嚟佘詩曼擔任該劇女主角，她於劇中飾演飾演的孤女，處心積慮要埋李世民身邊報仇，預告片中，佘詩曼持刀對住唐太宗：「你連血肉相連嘅親人都唔放過，你配做一國之君咩？」而對方就回佢一句「朕自問對得住天下蒼生。」十分霸氣。二人結果到底會係點呢？由於劇集最終都拍唔成，所以至今都係一個謎，但可以肯定嘅係，當年如果真有《天命所歸》的話，相信絕對會係經典作。翻查資料，羅嘉良03年滿約無綫後，轉戰內地市場，未知是否成了《天命所歸》胎死腹中的原因之一。
《天命所歸》當年如果拍得成的話，相信會令鄭嘉穎提早上位。