黃翠如陷唐詩詠「做gym騙局」 怕蕭正楠大壓力唔上《美女廚房》
撰文：郭芷晴
出版：更新：
昨日(11日)，黃翠如偕同好姐妹唐詩詠出席蘭桂坊活動。提到翠如近日破天荒去做gym，翠如表示墮入詩詠所設的「陷阱」：「佢話約我食飯，點知最後係去做gym。」但她也說做完gym出一身汗的感覺好好，「詩詠未做gym前都身體都比較弱，但依家唔單止健美左，我覺得佢連膊頭都寬左。」既然兩位女神都操fit左，會不會約埋一起穿三點式？詩詠則打趣表示待翠如練出腹肌便會送一套給她。
翠如墮詩詠「做gym騙局」。（陳順禎攝）
翠如如果練到腹肌就可能會著三點式。（陳順禎攝）
提到蕭正楠有份主持的《美女廚房》，翠如表示未有當嘉賓的打算，「我驚佢(蕭正楠)壓力大。(有冇拿手好菜？)冇咩餸難倒我，我尋日先煮完西班牙海鮮炒飯。」咁有自信，蕭正楠真有口福！
對自己廚藝充滿信心的翠如未有上《美女廚房》的打算。（陳順禎攝）