衛蘭避世去泰國嘆世界　崇尚天然護膚唔使做facial

護膚係女人既終身事業，每個女人都總要有一招兩式傍下身，衛蘭今日出席活動嘅時候反而分享自己「無招勝有招」既護膚秘技：「我好少做facial，平時都係飲多啲水，得閒曬太陽，最多都係戒口食清啲。」

Janice咁崇尚自然，一有空餘時間自然唔會放過陽光與海灘，所以佢前排放假都特登走咗去泰國蘇梅島渡咗一個禮拜假：「嗰度生活好簡單，一有時間就想對住個海，我真係好鐘意。」問到泰國有咩好食，Janice就答：「我最鐘意Pad Thai 同芒果糯米飯，係當地出名既美食。」

不過放完假翻到黎就要專心工作啦，Janice依家就準備緊嚟緊七月同陳柏宇嘅crossover 演唱會，各位歌迷密切留意啦。