【夏日VR明星決戰】鄭俊弘與余德丞齊游船河：嗰日見佢游水好快
撰文：吳子生
出版：更新：
鄭俊弘、戴祖儀、林泳淘、麥凱程、黃碧蓮今日出席銅鑼灣TVB《夏日VR明星決戰》活動，眾人與機迷一決高下，場面氣氛熱鬧。鄭俊弘(Fred)安排與男機迷決戰，場邊「粉絲」高舉名牌為阿Fred吶喊助威，不停加油打氣，最終勝出。
Fred表示都要注意一吓自己健康（吳子生攝）
Fred表示：「平時就冇打開機嘅習慣，今日啲遊戲都喺考吓反應，平時都有做開運動，打吓功夫練吓拳，所以對我嚟講冇乜大問題。」余德丞前幾日因踢波後，在場邊休息時不幸昏迷，送院搶救，昨日余媽媽報喜，余德丞甦醒過來。「收到呢個消息真喺安心好多，幾日前令晨收到佢有意外，真喺非常擔心，喺佢出事前一個星期，我哋一齊成班朋友去游船河，當日仲見佢游水游得好快，佢喺一個好健康嘅人，收到嗰個消息真喺好突然，但琴晚收到佢醒番真喺安心好多，依加比多啲時間佢休息，都唔會打擾佢。」
Fred叫余德丞加油，要快啲好番（吳子生攝）