孖好友飛布吉慶祝結婚四周年 陳敏之狂換泳裝不負索腿天后之名
撰文：洪曉璇
出版：更新：
身邊男性朋友成日話，最怕要諗紀念日要點慶祝，拍拖紀念日結婚紀念日，要年年有新意真係唔容易。大家應該相當羨慕陳敏之老公，因為敏之唔介意年年做一樣嘅嘢，同成班朋友到泰國布吉旅行，慶祝結婚周年，真係煩少好多嘢架。最重要係總有一兩個朋友係攝影高手，幫老婆影落大堆靚相打卡，就唔怕要捱鬧啦。
陳敏之孖住大班朋友到布吉慶祝結婚4周年。（IG圖片）
敏之孖住好友嚴淑明以及《東張西望》主持容羨媛玩水。（IG圖片）
陳敏之於2014年10月1日下嫁圈外男友雷偉信，於峇里舉行婚禮。一向喜歡陽光與海灘嘅敏之，除咗大肚時留港慶祝結婚2周年，其餘都會離港慶祝。結婚一周年時去馬爾代夫，結婚3周年去布吉，今年已經係結婚4周年，再度ENCORE同大班「爆友trip」好友飛到布吉嘆世界。
陽光與海灘當然要著唔同靚泳衣啦。（IG圖片）
去到布吉當然要同陽光玩遊戲，敏之孖住好友嚴淑明以及《東張西望》主持容羨媛玩水。話晒係「索腿天后」，就算生咗囝囝雷冬至之後，敏之身材一樣FIT到漏，著上泳衣大騷長腿。其中一張瞓喺浮床上嘅相，42吋長腿又長又幼兼白滑到反晒光，目測佔全身比例超過三分之二，真係羨慕死人。敏之留言話：「陽光實在太好了，隨便影也十分漂亮！出發前天氣報告說這幾天會下雨，感恩一直陽光普照。感謝天父送給我們一個多完美的Anniversary trip。」
敏之對腳止唔止42吋長呀……（IG圖片）
+2