余思霆從小熱愛體育是運動健將　公開擇偶條件：唔可以冇肌肉

余思霆昨天（18日）出席「香港壁球公開賽」記者會，思霆接受《香港01》訪問時坦言從小已經熱愛運動：「我做開Gym，我由細到大都做運動，雖然讀書冇咁叻，但做運動就好叻，我小時候就打排球，係排球隊校隊，去美國讀中學就係游泳隊，跟住就到打籃球，一路都冇停過。」

提到思霆經常做運動之餘，也不忘在社交網站派發「福利」回饋粉絲，她即笑言：「做運動會熱，當然會着得比較少，做Gym都係想身材好啲。」她又笑指常常也有一些男生想吸引她注意：「以前返學有Gym，多數都係男仔做Gym，女仔比較少，咁男仔通常都會望住女仔，咁有少少唔舒服囉。」

思霆也在訪問中公開她的擇偶條件：「我唔鍾意太大隻，但一定都要有少少線條同肌肉，唔可以冇肌肉。」思霆呼籲大家努力健身，便可以變成她喜愛的男生類型。