王浩信劇集不斷減壓有秘訣 密密健身成果觀眾有冇得睇?
撰文:翁漢瓏
出版:更新:
王浩信出席第一屆「亞洲最具影響力盛典」,見證最具影響力紅星地位花落誰家。他在活動後大談自己近況:「最近忙於拍攝TVB劇集《極度怪咖》,雖然唔會話完全冇休息時間,不過平日時間都會用於揣摩劇本。」一劇接一劇,時間自然會不夠用,王浩信卻表示沒有感到壓力:「當自己工作上有壓力嘅時候我會去做運動,多數係做Gym。因為做Gym除咗保持身體健康之外,更可以減壓,最重要係可以令我更加精神,反應更快,呢點對一個演員嚟講非常重要,無論係拍文戲定打戲都好講究反應。」
至於勤力健身之後會否公開在劇集中「show肌」,王浩信就明言:「呢個要睇角色同劇本需要,好似之前我做殺手角色,咁就要去學動作,去健身。但今次《極度怪咖》就冇咁大需求,雖然都有少少打戲,但就毋須太講究身型。」