鄧洢玲男友視角拍旅遊特輯：下一步向世界出發

鄧洢玲（阿旦）化身成導演，拍攝自家製《帶著男朋友去旅行》一連8集遊旅特輯，由籌備製作到拍攝，足足用了成年時間始完成，明日終於可以在她的社交平台首日面世播放，旅遊特輯分成8個不同主題，逢星期二有得睇，播足兩個月。阿旦表示：「呢次旅遊特輯主要喺日本東京取景拍攝，講我帶住男朋友去旅行，主打一啲男仔會比較鍾意嘅嘢，例如會去高達cafe，又會去現場睇日本著名J. League足球比賽，感受現場氣氛及球迷嘅狂熱。」阿旦透露下一步計劃將向世界出發，睇晒歐洲所有頂級賽事。