吳佩慈超豪babyshower宣布第四胎性別　零孕味鉛筆腿令人嘩然

吳佩慈同富商男友紀曉波育有2子1女，去年7月再宣佈懷有第4胎，雖然近年多次傳出佢地財務上出現問題，但吳佩慈依舊過住闊太般生活。相隔2個多月佢再次上載近照，佢同閨蜜們豪辦Baby Shower，但最吸晴嘅係佢一雙腿。

Baby Shower上吳佩慈宣佈第四胎係囡囡，全場以粉色系為主，四處可見粉色氣球，精緻嘅天鵝蛋糕上寫上「Hailey」，溫馨又夢幻。一眾出席嘅閨蜜都以貴婦look戴住禮帽出席，貴氣十足。

主人翁吳佩慈一身粉色花裙及禮帽，挺住巨肚同友人合照，依舊瓜子口面，一雙鉛筆腿完全無孕婦常見嘅水腫情況，肥胎唔肥人真係令人相當羨慕。最出奇嘅係早一日佢分享出席小朋友生日會嘅相片，臨盆在即嘅佢巨肚居然可以看似消失，完全係model般零孕味，相當神奇。