【新冠肺炎】麥子樂操肌準備隨時復工　練廚藝轉型做煮餸KOL？

新冠肺炎（COVID-19，俗稱：武漢肺炎）肆虐全球，搞到各地藝人都被迫停工，雖然麥子樂和大多數藝人一樣不用開工，但抗疫期間仍然忙個不停，密密在Gym房操肌。麥子樂坦言Keep住做Gym才有最佳狀態隨時復工：「唔可以畀自己停落嚟。（最近好似有人去Gym房染病喎！）我呢邊安排好好，盡量將客人分成唔同時段去，基本上我做Gym時四圍都冇人，加上定時消毒，而且我都會勤洗手，做足防疫措施，所以都放心去做。」

另外，麥子樂又透露近日愛上入廚鑽研不同菜式，首次煮飯給母親時，母親勁開心：「我一向鍾意煮嘢食，好鍾意別人食完感到開心的感覺，記得第一次煮畀媽咪，其實佢開心到癲，可能佢覺得我終於識煮嘢食。」他笑言自己有潛質做煮餸KOL，最後不忘為大家打氣︰「希望香港人加油，齊心對抗疫情。」