【新冠肺炎】李施嬅滯留加拿大戴口罩行山　報喜終有機位返港

新冠肺炎（俗稱：武漢肺炎）疫情全球爆發，多國實施強制隔離及國際航班停飛，令唔少人滯留。李施嬅原本到加拿大拍攝新劇《Blood & Water》，但受到疫情影響停拍，Selena亦被逼放假留喺酒店，佢喺網上報喜話終於有機位返香港，亦有抽空於IG上載短片同大家直擊當地情況。

Selena喺IG上載短片，見到佢戴住口罩喺酒店行，酒店餐廳、健身甚至櫃位全部關閉，短片中一個人都無，好在有朋友知佢一個人喺酒店，拎咗一堆零食俾佢解困。另外佢亦有抽空去行山：「今日行這個山的過程都一路戴住口罩，因為好多人，而且因為路比較窄，大部份的人都係近距離接觸，已沒有要避開其他人的概念。最終政府啱啱宣布決定把這個景點關閉了。大家行山時要注意與其他人有起碼兩米距離。」