【多圖】馮盈盈「何猷亨船P」後照出海　江嘉敏秒速留言暗串味濃

馮盈盈（Crystal）和「好姊妹」江嘉敏（Kaman）雙雙捲入「何猷亨船P羅生門」事件，雙方均指對方才是邀請她出海的一個，有指兩人閨密情不再，更數度在網上互相隔空開火。不過，馮盈盈「見過鬼仲唔怕黑」，繼續出海玩Wake surfing。

今日（23/6）更貼出一張身穿緊身潛水衣坐在船尾的靚相，以短褲仔大騷白滑長腿：「Happiness comes in waves, it'll find you again（快樂隨浪湧，這種感覺會再嚟搵你）」而「羅生門」事件的另一位主角江嘉敏亦有留言：「着番件防囇衫去玩，終於唔會囇黑晒。」好似從來沒有發生過任何事一樣，亦有網友睇完回覆之後就話：「你哋唔係不和咩？」不過，諗深一層，馮盈盈上次「船P」玩滑水未有穿上潛水衣，僅以泳衣上陣，所以江嘉敏好有可能是指對方上次着得太少布。到底兩人關係搞成點，是好是壞，相信得她們先知。

點擊下圖觀看相關圖片，以及其他馮盈盈IG靚相：