【殺手】龔嘉欣拍打戲斷手指尾筋 幸未至永久傷殘：當一個紀念
撰文：吳子生
出版：更新：
龔嘉欣今日（6/7）現身電視城出席無綫劇集《殺手》宣傳造勢活動。嘉欣坦言起初都擔心收視，「初頭我個造型係嚇親大家，嗰陣時好多負評，話我個妝同髮型好醜，估唔到出街後，成件事配合得咁好反應，得到好多女仔讚我好有型。」
《殺手》劇集播出至今，收視報捷，嘉欣坦言喜出望外。（陳順禎攝）
提起手指尾傷勢，嘉欣表示：「其實拍得動作戲都預咗會受傷，反而拍緊嘅時候，都好忟自己點解要整親，而家我隻手指尾係冇乜力，如果揸拳頭手指尾會彈起，雖然睇落有啲傷殘，但未至於永久傷殘，不過自己都Ok嘅，當係一個紀念囉。」
龔嘉欣今日（6/7）現身電視城出席無綫劇集《殺手》宣傳造勢活動。
（陳順禎攝）