小儀與13型男︱嘴對嘴食冬甩勁甜蜜 關智斌自爆曾異地戀
撰文:洪曉璇
出版:更新:
由阮小儀主持的香港開電視節目《小儀與13型男》,今集邀請「男神型」關智斌(Kenny)擔任小儀約會對象。二人到主題公園手拖手玩旋轉木馬、過山車等,期間他們更浪漫地嘴對嘴一起吃冬甩,當兩人鼻尖相碰時,小儀立即興奮大叫:「私底下好少有呢種感覺,原來係咁得意嘅,掂鼻哥都有一種挑逗感覺。」
小儀認為在娛樂圈中要找到另一半比較吃力,Kenny表示認同,他說:「自己圈子好難有戀愛發生,喺第二個地方可能容易啲、冇咁多包袱,老實講,做藝人係會有少少光環,當出到街啲人見到你嘅時候會『嘩,小儀呀!』,但當同一個人有關係時,呢個濾鏡某程度上阻礙咗真誠發展,所以去第二個地方,濾鏡冇咁重,嘗試異地發展吓(感情)可能好啲。」Kenny又分享自己異地戀的小小經驗:「我有冇試過?梗係有啦,點會冇呀。感覺好開心,香港比較少坐公共交通工具,喺外地時兩個人一齊坐公共交通工具,坐電車周圍去,好開心。」