陳凱琳透露大仔鄭承悅鍾意返學 暫未考慮復出拍劇：好想陪小朋友
撰文：陳芷穎
出版：更新：
陳凱琳（Grace）和宋熙年今日（24日）於尖沙咀海港城出席童裝品牌新店開幕禮，Grace以碎花背心長裙現身，吸引數十名途人駐足圍觀。活動上，Grace說中秋節與家人在家中打邊爐慶祝，好友龔嘉欣亦有現身，她笑言兩位仔仔都是破壞王，故未有準備紙燈籠給他們。
陳凱琳和宋熙年於尖沙咀海港城出席童裝品牌新店開幕禮。（陳順禎攝）
Grace 接受《香港01》訪問時透露大仔鄭承悅（Rafael）的開學情況，她指仔仔非常喜歡上學：「每朝急不及待出門口返學，成日話校巴到，但其實仲有半個鐘先到。返到嚟仲keep住high energy狀態，我都諗點解返學咁長時間都仲可以咁開心，證明佢返學過得好好。」她續指哥哥上學時，細佬亦會想念哥哥：「佢好鍾意哥哥。」
Grace 透露大仔鄭承悅（Rafael）的開學情況，她指仔仔非常喜歡上學。 （陳順禎攝）
Grace不時在社交平台上載有趣影片，她笑言很喜歡內容創作：「可能冇拍劇，希望喺唔同平台分享下點滴。拍完之後，大家會覺得原來你係一個咁開心嘅人，以往大家見到都係香港小姐，高貴優雅，畀到大家睇到另一面都幾好。」不少觀眾亦好奇Grace會否重返幕前拍劇，她指暫時機會較微：「拍劇時間太長，我真係好想陪小朋友，呢個係我自私咁諗，可能佢哋大啲先再諗。（會唔會追多一個小朋友？）咁我以後都唔使返嚟拍劇，可以喺屋企自己拍。」
+6