【樂壇新人】顏卓靈樂壇知識大測試　起碼仲識得分杜生許生

挑戰是要由淺入深，志在給予參賽者多點信心，不過去到第二題，Cherry已遇挫折，似乎想跟鄭俊弘一齊唱《投降吧》。

01︰樂壇的四大天王是指哪四位？
答︰「黎明、劉德華、郭富城……我真係唔……張學友！」如果這條都答不到，就不用玩落去。

02︰華星三寶是指哪三寶？
答︰「冇呀Sorry，你可否解釋下？」
答案是陳奕迅、楊千嬅、梁漢文
「華星冰室我有聽過。死喇，整個環節可否不出街，我的樂壇知識超貧乏。」好在三寶你冇答奶茶、炒蛋同多士咋。

03︰請唱出《火熱動感la la la》第一句歌詞？
答︰「有聽過，但不記得，郭富城首《Para Para Sakura》我就識，因為小學做啦啦隊時有跳過，『MI NI KO I Sakura AH E OH～come and dance with me』」兩首歌完全冇關係，除了都是有英文做歌名，但見Cherry努力作答又唱埋出來，誠意分搭夠。

04︰動作題，請做出郭富城金曲《對你愛不完》的招牌動作。
這條完美地取得滿分，還有額外獻技大贈送，大家一定要睇片。

05︰古天樂、張家輝、劉青雲，三位當中，哪位未曾推出過唱片？
答︰「劉青雲？（最後答案）劉青雲！古天樂我聽過《Mr.Cool》，小學時聽的。（有沒有聽過「今期流行　流行椎名林檎」）有首歌叫《今期流行》？經典來嗎？」年輕人，你實在太年輕。

06︰圖片題：哪位是杜德偉？哪位是許志安？
雖然答中，但過程超級爆笑。

07︰《愛上殺手》是哪位歌手的第一首派台歌？有得揀
A 謝霆鋒　B 余文樂　C 麥浚龍　D 陳曉東
答︰「謝霆鋒……I'm sorry, I don't know」答案是麥浚龍。「真係呀？我有聽Juno，不過是聽《耿耿於懷》或《無念》。」每位歌手都有他的黑歷史，有時間不妨多聽下長知識。

08︰《別怪他》是哪位歌手的歌曲？有得揀
A 王浩信　B 蕭正楠　C 鄭嘉穎　D 吳卓羲
答︰「吳唱K！」信心滿瀉。

09︰以下哪一個不是歌名？
A 《犯賤》   B《禽獸》  C《陰騭》  D《無賴》
答︰「哈哈……我揀《陰騭》。《陰騭》這個名真的好陰騭，不會真的有首歌叫陰騭嘛？」禽獸不夠差嗎？「陰騭仲衰！」

10︰「亞太區最受歡迎男歌手」坊間有個詳盡解釋，是什麼？
這個撞下撞下，又俾Cherry撞得中八成，冇失禮亞皆老街一眾街坊。

總結︰10條入面，叫做答到7條，成功不錯，恭喜恭喜。