【西班牙直擊】Opener現場睇切爾達大戰皇馬！
撰文：周詠雯
出版：更新：
去西班牙除了食火腿，當然要睇波啦！《開罐 Opener》近日飛到西班牙西北部城鎮維戈（Vigo），同一班香港球迷現場睇西甲球隊切爾達主場迎戰皇家馬德里。
能夠近距離睇西甲球星練波，記者都係首次，機會難逢，幾凍都值得啦！（周詠雯西班牙直擊）
《開罐Opener》受《Now TV》及西班牙足球甲級聯賽（LaLiga）邀請，同幾位香港球迷去西班牙西北部城鎮維戈（Vigo），準備於香港時間1月8日凌晨，現場欣賞當地球會切爾達（RC Celta）主場迎戰皇家馬德里（Real Madrid）。大戰前夕，記者同球迷獲安排近距離參觀切爾達訓練情況。
幾位香港球迷現場睇練波，有傾有講，應該都大滿足喇！（周詠雯西班牙直擊）
當地現時氣溫約攝氏11度，雖然都幾凍，但幾位香港男球迷就睇練波期間都有傾有講，似乎都幾享受。切爾達較早時逼和巴塞隆拿，今將迎戰皇馬，總教練Juan Carlos Unzué表示，有信心球隊可以在皇馬身上得分，下半季聯賽成績更上一層樓。中場球員柏度靴南迪斯同樣表示有信心今仗可以踢出佳績。生於智利的他2014年起效力切爾達，被問到對西班牙足球文化觀感時，他指維戈球迷相當支持球會球員，是個相當友善的城市。
西甲賽事
切爾達 VS 皇家馬德里
香港時間1月8日：凌晨3時30分
Now 632台直播
切爾達球員柏度靴南迪斯話，有信心球隊對皇馬一戰取得好成績。（周詠雯西班牙直擊）