林一峰林奕匡演唱會首度合作 治癒系男聲冧盡樂迷

撰文:黃浩晉
出版:更新:

林一峰與林奕匡今晚於九展舉行《Mr. Nice Guys》演唱會,兩位音樂才子首度合作,讓樂迷享受一個治癒系聲音的晚上。樂隊Dear Jane主音Tim、馮允謙、鄭世豪等歌手都有出席支持。

林一峰大讚聽林奕匡唱歌好冧,仲話想嫁俾對方。(江智騫攝)

演唱會由林奕匡唱出《有淚多好》揭開序幕,接着到林一峰出場獻唱《鏡子說》,又拿起結他唱出groovy版的《錯得對》與觀眾互動,台上台下都投入在音樂之中。林一峰叫在場要落力俾反應:「Live係冇嘢可以代替,大家要做反應彈,等嚟唔到現場嘅人妒忌!」

整個演唱會充滿優雅的格調,舞台是原木色的佈置,林一峰與林奕匡以及一眾樂手都西裝筆挺,全都是紳士一樣。

兩位治癒系聲線男歌手同台演出,聽得觀眾如癡如醉。(江智騫攝)

演唱會又怎會少得合唱環節,兩人合唱林一峰寫孫燕姿的《遇見》,林奕匡表示最初發現一峰是作曲人時很驚喜,一峰神回一句:「係呀!你冇睇漏一個『一』字呀,哈哈!」現場版的《遇見》改編以鋼到及大提琴為主的編曲,令樂迷更能聽清楚二人清澈的聲線。

+8

唱過《遇見》之後兩人合唱《有人共鳴》,林奕匡表示,這曲的靈感來自一次駕車接太太途中哼出的旋律,一峰大讚好冧:「聽完佢唱歌真係好想嫁俾佢!阿Phil真係好乖,好純品,至死不渝嘅愛情可以喺佢身上搵到!大家想嫁俾佢已經太遲,我更加遲咗一世𠻹!」