陳蕾一直有開解Nathan 對方情緒時高時低：佢都唔容易
撰文：鄺鈺瑩
出版：更新：
「華納孖寶」陳蕾、洪嘉豪今早（27日）出席彩妝品牌活動。剛喺日本放完假返港嘅陳蕾精神爽利。她表示完成演唱會後，飛到日本渡假兼自駕遊，由於怕蕩失路，所以全程都十分專注，但一試上癮，準備有機會再挑戰自駕遊。
陳蕾放假期間得知Nathan企圖輕生，坦言心情受到影響。（葉志明攝）
問到心情有否受到Nathan (魏念恩）嘅輕生風波影響，她說：「一起身收到好多訊息，知道後都有即時聯絡佢身邊嘅人，都有搵佢但唔係即時，keep住有慰問佢嘅情況，我同佢嘅聯絡係希望佢可以勇敢面對所有事情，希望佢可以嘗試同朋友傾訴。我覺得佢有呢個行動都唔係一時之間，因為經歷咗咁大件事，一路以嚟睇住佢情況係時高時低。」
Nathan早前擔任陳蕾演唱會嘉賓而引起爭議。（資料圖片）
陳蕾表示既然有緣成為朋友，都希望用盡方法燃點Nathan對生命的鬥志，而Nathan 亦曾向她表示由她的作品得到力量。「佢都唔容易⋯⋯我最怕係我曾經有機會拉起身邊嘅朋友，但我無做到，所以你問我帶佢上台嘅原意，都唔只帶佢，仲帶其他三個，除咗係承諾，而呢個承諾唔想佢因為犯過啲錯，而喺呢個時候淨係請三個，我怕丟低佢呢個行為會令佢更失去鬥志，所以我一直盡全力燃起佢意志。」