12怪盜｜Anson Lo孖Frankie餓住謝票　英雄輝自爆踩爆牆

MIRROR成員今日（28日）以小組形式出動謝票，盧瀚霆（Anson Lo）與陳瑞輝（Frankie）下午現身元朗嘅戲院，全場爆滿。有粉絲問Frankie 戲中最後一幕嘅翻筋斗是否親身上陣，有英雄輝之稱嘅Frankie 表示事前都有練習下：「係，拍咗4、5次，最後連牆都踩爛埋。」之後有粉絲問「到底鍾意人哋叫係阿Lo定撈撈豬多啲」，教主表示：「叫阿Lo會輕鬆啲，有咩任務一聲Lo都可即時應到。」Frankie 仲話撈撈豬呢個稱呼太有愛，特工應該接受唔到。

大合照時，問到兩位有無食飽先開工，佢哋都話無，Anson Lo仲話「已經肚餓」，神徒聽到都叮囑撈撈豬唔好餓親。