吃貨橫掃深圳｜梁凱晴拍浸浴驚走光將泳衣綁到緊一緊：綁到紅晒

梁凱晴今日（5/4）現身將軍澳電視城出席無綫節目《吃貨橫掃深圳》記者會。凱晴受訪時表示除了與其他吃貨主橫掃深圳，捐窿捐罅發掘飲食攻略之外，還要身穿比堅尼上陣浸浴大派福利：「其實喺拍之前我係有啲壓力，因為我係未試過拍呢類型嘅嘢，變咗我係有啲擔心，驚拍出嚟唔知好唔好睇，而我喺拍一個星期前已經開始不停咁做運動，同埋節食，變咗係會有啲壓力，不過到拍晒之後再睇返，肥出到嚟個效果都好好，個人係鬆咗一口氣。（拍嘅時候有冇做防走光措施？）我係將件泳衣綁到好緊，到我換衫嘅時候，發覺原來綁到紅晒。」