逆天奇案2｜麥玲玲演貴婦行爛幾對高踭鞋要報銷：閒閒地都過萬對
撰文：吳子生
出版：更新：
麥玲玲師傅今晚（9/4）現身尖沙咀出席無綫熱播劇集《逆天奇案2》「奇」開得勝飯局。《逆天奇案2》麥玲玲師傅在劇中飾演富婆「霍太」，首集演出令網民大有驚喜，到第二集玲玲師傅開槍竟然一槍射爆頭，加上操得一口流利英文對白之餘，更在翡翠台黃金時段大爆「X街」，引發社交平台大洗版，有不少網民惡搞「槍法奇準，肯定開光計好方位」，「師傅真係不得了，可以轉行」。
麥玲玲在新劇中的演出備受網民關注。（葉志明攝）
麥玲玲接受《香港01》訪問時笑言：「可能平時我個形象成日笑笑咁，同埋好似家庭主婦，又突然攞晒槍，所以啲網民好驚訝。（你覺得揸槍演成點？）原先佢哋安排咗我要上堂學開槍，但後來時間上夾唔到，變咗要即場靠武指話我知點樣做，好彩冇要我碌地開槍咋，不過就要我單腳跪落地，而且要重複拍好多次，其實過程都辛苦㗎，加上喺石屋度拍，同埋泥漿地，真係行爛咗我幾對高踭鞋，每對高踭鞋閒閒哋都過萬，呢鋪真係要破費買過新嘅高踭鞋。」
麥玲玲今晚現身尖沙咀出席無綫熱播劇集《逆天奇案2》「奇」開得勝飯局。（葉志明攝）