肥媽擁19名子孫但仍搵定老人院床位 自爆因愚孝害死母親
撰文：鄺鈺瑩
出版：更新：
肥媽大部分子女現時在英國、美國、澳洲，只得8人在港陪她。（影片截圖）
母親節將至，肥媽（Maria Cordero）日前在小紅書分享自己對老人院嘅看法。她表示：「我阿媽搵咗幾間老人院，我都唔畀我媽去，我愚孝！後來我同我老公去咗四日泰國旅遊，我媽有糖尿病，佢搲損咗個傷口，啲菌上咗腦。」
肥媽指當時有幾個工人、司機照顧媽媽起居飲食，但由於缺乏醫學常識，未有發現媽媽唔妥。「我阿媽幾醒，一早就搵定老人院，佢就係覺得自己行動不方便、開始失禁，所以有醫生會好啲，但我哋諗住有工人。」肥媽坦言自己是愚孝，認為有3個工人、司機照顧就係好巴閉，她亦仿效母親，已為自己預定老人院床位：「老人院我都買埋啦。」