視后分享天倫樂片段罕公開天爸媽樣貌　媽咪清麗脫俗獲讚靚過阿囡

現年33歲的視后蔡思貝不但演技備受公認，身為2013年港姐亞軍的她，也是樣靚身材正，美貌與智慧並重，可說是內外兼備。近年她更是愈來愈靚女，且開始散發出陣陣女人味，原來她的媽咪亦相當漂亮。蔡思貝昨日於抖音分享了一條短片，又於IG post了同一輯照片，罕有地公開了她爸爸媽媽的樣貌。

蔡思貝於抖音的片段文案寫上：「我們總是會想這樣向我們的父母奔跑吧」，片中身穿背心裙的蔡思貝擺出各種甫士影靚相，又曬出了她與爸媽吃飯的家庭聚會照。之後她便像個小女生般跑向鏡頭，邊跑邊舉起雙手叫道：「媽咪爹地，媽咪爸爸」鏡頭外就聽到她媽媽叫她：「阿女」，相當溫馨。而在IG上，蔡思貝就寫道：「其實我真嘅Daddy媽咪冇話我煩，係嗰啲疑似父母嘅朋友先唔識欣賞我嘅熱情😌 重點係兩pair人都好錫我❣️」自爆被人嫌煩。

網民的焦點就落在蔡思貝的媽咪樣貌之上。因為她的媽咪望落又靚又後生，氣質清麗脫俗，遺傳了媽咪優良基因的蔡思貝，難怪如此靚女，果然不負港姐亞軍之名。有網民甚至大讚蔡媽媽「仲靚過囡囡」。