姜濤自揭分享終極黑圖原因 大表哥爆笑指未達巔峰：可以再創
撰文：鄺鈺瑩
出版：更新：
MIRROR世巡於澳門完美落幕，12子完騷後接受訪問時，Lokman 表示由亞博到世界各地最後喺澳門完成 ，感覺十分完美。
MIRROR世巡完滿，12子心情大靚。（梁碧玲攝）
接到唱《REBOUND》時甩鞋，Alton 笑言是彩蛋一部分，又話好彩對襪都靚仔；大表哥表示唱《來不及》時，想睇一睇身後嘅video，結果一睇就爆喊，打心口係想阻止淚崩。「發覺打完都無用。因為心口太硬。我純粹唔想喊，因為人哋唔係畀錢睇我喊，呢件事唔係咁專業。（全場合唱）好大聲，結果又再喊得勁啲。」大表哥表示由於6月仍有演出，所以未可以放肆地食。
Alton 笑言甩鞋一環是苦練已久嘅特技。（梁碧玲攝）
大表哥表示由於6月仍有演出。（梁碧玲攝）
而日前喺《Fever》綵排時出現嘅「Happy 伯」姜濤，訪開時不停話「下次下次」。問到想著大表哥定Jeremy 嘅戰衣。他即時扯開話題。而講到分享終極黑圖一事，姜濤表示：「大家開心咪得囉，尾場嘛，終極埋佢。」問到是否已達顛峰時，大表哥即插嘴：「可以再創嘅，但我希望你唔好再創，而家都keep得唔錯。」姜濤聞言後即爆笑，又谷出黑圖中嘅肥嘟嘟下巴。姜濤又否認是因為睇網民嘅P圖，純粹是因為覺得黑圖得意才上載。
姜濤嘅終極黑圖原來係攝自Jeremy 。（梁碧玲攝）