張秀文要北上 無綫失蹤5個月：以為我畀人雪！
撰文：郭敏玲
出版：更新：
講起張秀文，似乎很久沒有見過她在TVB出現，成為失蹤人口，原來她已經有成五個月冇返TVB！張秀文透露自己正忙於在深圳拍網劇，今日是五個月來第一次回到TVB，她說：「我都覺得好耐冇返TVB喇，好多人以為咁耐唔見我，一係就以為我畀人雪，一係就畀人話我離巢，但其實我仲係TVB㗎！」
張秀文咁耐冇蒲頭，大家都好關心佢去咗邊。（溫菁莉攝）
不過咁耐冇返去，張秀文就發生一件事喎，「今日返到去嘅時候，我又摷緊個員工證出嚟，security都唔認得我，之後交張證畀佢，佢又寫低我嗰名張秀文，但係又冇乜反應，真係太耐冇返去喇。」張秀文坦言好想返TVB拍劇、工作，但因為拍劇撞期唔夾，所以在TVB就只有《同盟》的產出。問到拍緊咩網劇，張秀文就話：「一套好勁嘅劇，有好多影帝，新鮮同耐嘅都有。」
點知今日一返去，門口嘅護衛唔認得佢。（溫菁莉攝）
張秀文話自己要轉型，由主持變做演員，有傳她更成為了「晶女郎」，問到是否真有其事，她說：「晶哥（王晶）一直以來都有畀好多機會新人，佢好多時都好落手落腳，佢畀咁多機會我，我都好appreciate ，至於做唔做到晶女郎，咁就要問返佢喇。（咁有冇羅致你去旗下先？）其實呢一兩年佢都有搵我拍電影呀，多咗演戲嘅，只不過都仲未出街，所以觀眾未睇到，我都想快啲出街。」
搞到張秀文都好想快啲喺TVB度出現。（郭敏玲攝）