【最齊圖】王君馨地表最強姊妹團　人妻岑麗香keep住有仙氣

呢兩日最大的事件，除了DSE，就是昨日「花曼」王君韾與圈外人Daniel結婚，兩人拍拖11年，終於結束愛情長跑，簡直是羨剎旁人！昨日新娘子簡直索爆，雖然婚紗看似「包到冚」，只不過中間有層薄紗，曲線中門大開，若隱若現，不用刻意性感，都有驚豔的效果，呢位新娘子真係正。

不過除了王君馨結婚，網民似乎錯「重點」，將視線游移到旁邊的伴娘團。話說有前處女黨成員李亞男、鍾嘉欣、岑麗香，以及現任成員苛芸慧，還有教友裕美及衛蘭。雖然有一半已經成為人妻，但不減整個視覺效果，就係靚！其中網民大讚去年年尾先做人妻的香香是眾多姊妹之中最索，仲係好似仙女咁，「香香最靚女，頭細比例好，又靚又可愛！」不過瘦返的苛芸慧都不輸蝕，就算有網民話佢有啲「回塘」，都係另一些網友力撐：「就係呢個時候嘅苟姑娘先係最索呀！」可能苟姑娘最近蜜運緊，所以有少少「幸福肥」係正常嘅！下個新娘子就到佢喇！