【賭城群英會】終於唔係齋騷長腿 沈卓盈：有人留意已經好好
撰文：林通賢
出版：更新：
沈卓盈在劇中飾演心理醫生Doroth，和馬國明及謝賢有不少對手戲。
網友稱為沈大師的沈卓盈，多年高居女神榜，資深巴打應該記得她和黃太（徐淑敏Suki）、黃貽興主持的《最緊要正字》，那時開始沈卓盈就被稱為長腿女神。或者過份美麗，０２年入行至今，沈大師除了長腿及感情生活外，好少人討論她的演技，直至最近巴打才發現她在《賭城群英會》的演出，更說她終於不用再做閒角。劇中沈卓盈飾演四哥女兒，又同馬明有感情戲，當然騷長腿是必須的，但最難得是有戲做，至少有網友都為她不用再做「花瓶」而高興。
06年《最緊要正字》除了令沈卓盈彈起，亦令王貽興、徐淑敏人氣急升。
網友表示沈卓盈終於唔使做閒角，雖然評語褒中帶貶，但沈卓盈真心感激，她說：「有人留意已經好好，其實呢幾年角色開始有變化，唔係再做花瓶，唔係做邊個女朋友，次次出鏡都係攬下錫下就算，以前啲監製揾我都係做靚女角色，我都會問自己係咪真係咁局限呢？但演員係被動，角色派到就要做好，所以遇到嗰角色有少少發揮嘅機會，我都會好俾心機做，好似《梟雄》我係要做歌女，劇入面要跳三隻舞，我到拍嗰日，飯都無去食喺廠係咁練，我當然跳得唔好啦，但起碼人哋知我盡咗力跳。起碼對得住個角色同俾機會我嘅監製。」而沈卓盈為了在演技有進步，大約在2013年都上過黃秋生、甄詠蓓舉辦的演技進修課程。
沈卓盈facebook是吸引的，多年來都是網友最愛。
沈卓盈的報導很多時關於她的男朋友，不過可能真的寫太多，令她已經沒有反應，她說：「女仔想拍拖，想人錫好正常啫，但大家集中咗我嘅感情生活，少咗留意我工作，我都冇辦法，我而家都公開咗，真係攞正牌拍拖，我而家好大方，不過我控制唔到人哋點寫，亦唔會為佢點寫而影響自己生活，自己開心啲好過啦。」
+11