冇見一排嘅徐子珊自簽約王祖藍旗下的經理人公司後，便主力在內地發展，想知她的消息唯有靠update IG同微博，昨晚子珊好勤力update咗新相，之但係……子珊好似去咗靈異空間咁喎，個背景彎晒嘅！

唔使問一定係P圖出事啦！子珊為咗令自己睇嚟有條纖糼小蠻腰，夾硬PS係咁推，結果成功P咗條腰，但個背景窗框同塊鏡都歪晒。最奇怪係子珊掛住P條腰，冇理塊包包面，成件事真係好奇幻呀！

徐子珊離開香港觀眾後，曾參加過「愛奇藝」真人騷《吃光全宇宙》，今年6月則往北京拍攝時裝劇，子珊也有keep住更新微博和po相，不過除了今次P圖之外，好多網友都話唔多認得佢，有時下巴尖咗、有時樣都變埋，唔通喺內地好食好住樣貌可以再升級？咁就不得而知喇！

睇番徐子珊其他近照，其實子珊身形唔錯，表面睇冇P圖情況下一樣有小蠻腰，所以使乜靠P圖呢？