(G)l-DLE成員宋雨琦、泰星Nani、Day@COLLAR、Kayan9896、moon tang 今日（26日）現身中環，出席時裝品牌活動。身穿黑色短裙嘅宋雨琦一出場即以廣東話同粉絲打招呼：「大家好，我係雨琦。」之後提到昨晚舉行嘅(G)l-DLE演唱會，宋雨琦表示好開心可以擁有一個難忘嘅回憶，亦透露昨天已品嘗過好好味嘅菠蘿包。

問到會憶較喜歡綜藝抑或舞台演出，宋雨琦話自己本身係一名歌手，所以會更喜歡舞台上嘅自己，而自己亦樂意挑戰任何工作。下月生日嘅宋雨琦，問到可有任何慶祝計劃，她表示自己每年生日都準備驚喜俾粉絲，今年亦一樣，仲叫大家期待一下。