今日《星球大戰》迷應該好興奮，除咗官方釋出年尾放映最新一集嘅製作花絮之外，更發放咗6款角色海報。但奇怪嘅係，呢系列海報用咗紅色為主色，喺以往《星戰》海報極少用全紅色，因為紅色喺《星戰》世界入面代表邪惡力量，好多網友就猜測會唔會係今集有人投向黑勢力，又或者全員墮入危機呢？

不如睇番《星戰》以往嘅海報先！1977至1983年3套經典《星戰》海報主色都是藍色，藍色亦代表正義的反抗軍，主角Luke Skywalker所用的光劍就是藍色，這3齣saga主要講Luke帶領反抗軍擊潰以Darth Vader(黑武士)和黑帝為首的帝國軍，用藍色係好合理。

至於1999年至2005年3套前傳海報，以黑色配橙紅色為主，紅色的感覺不太突出，而這三步曲主要講黑帝招覽Anakin Skywalker（黑武士前身）加入黑勢力，最終Anakin變成大奸角，所以紅紅哋色亦好合理。

所以網民的猜測並非無道理，今集可能有正義角色投入黑勢力也未定，但筆者有另一個猜測，就是正義一方的紅色計劃。點解咁估？且看看早前發放的trailer，其中一幕有幾架飛行器直衝向前，一邊放射紅色顏料，而前方遠處約有7隻帝國軍的機械象At-At，代表飛行器是屬於正義的反抗軍，而下一個鏡頭能更清楚看到至少7隻飛行器在放射紅色顏料，可能是畫龐大的紅色記號，也可能為反抗軍行動作記認；跟住再睇睇今日發放的幕後花絮，攝影機正拍攝一堆紅色顏料爆開濺向牆壁，在一片紅色底下可以看到一個人被炸飛，那人穿着軍服軍靴，應該是帝國軍的士兵，所以紅色顏料也可能是一種反抗軍的武器，這樣海報用到紅色就合理了。

之不過用紅色而不用其他顏色是極不尋常，星戰迷都習慣用顏色分忠同奸，睇光劍顏色就最明顯，奸角永遠用紅色，Jedi則用藍、綠色和黃色，曾經出現過紫色，因為Samuel Jackson接拍前傳《複製人戰爭》時特別要求用自己喜歡嘅紫色；而無論Sith或Jedi所用的光劍都係由一種叫Kyber Crystal嘅寶石所製造，呢種寶石有不同顏色，奸角全部用紅色係等觀眾易分啲啫！