講起任達華，就想起其經典電視廣告「卡士蘭」。「今晚11點你會做啲乜嘢？」「玩夜啲都咁有energy」已成為金句，除了經典廣告外，華哥愛攝影亦眾所週知，最近就出了影集《香港．別的風景》，今日就在書展舉行簽名會，為了這本影集，華哥籌備7個幾月，將香港最美的風景拍下，希望大家看美景，而不是只望著手機，叫大家不要再做低頭族，要得閒擔天望地，華哥更讚自己的影集有護眼功效：「除咗食藍莓，兩粒兩粒咁食之外，睇呢本書對隻眼都好好。」

據知華哥為了影靚相更出動了直升機，原來係好朋友王敏德親自駕駛帶佢周圍去。他搞笑地說：「最後都有畀返錢佢公司㗎，唔係齋影㗎。唔係佢帶我去，都唔知香港有咁多咁靚嘅島！」華哥更表示影集End Shot構思了7個月，最後以木棉花作結：「香港有成十幾種天氣，一見到紅棉，就知道原來春天到喇！希望大家心目中都有春天，我自己長期都有個春天。」佢仲話見到木棉，就諗起羅文嘅《紅棉》。

早前KOL瓊姐在facebook搞星二代選舉，有不少網友大讚華哥12歲女兒Ella身材比例好，是12頭身的黃金比例，好多人有選Ella是冠軍。華哥笑言不知有這個選舉：「但都多謝大家支持我個女。」他更多謝瓊姐：「真係勁呀，你每晚食三粒呀。」網友經常稱呼華哥做卡士蘭，原來華哥是不知情，他說：「唔知喎！我真係唔知喎，我都唔介意大家叫我卡士蘭，我11點之後就睇書、睇電視、跟住訓覺，當然要work hard play hard 唔係點會影到靚相。」唔知華哥係咪睇《天地豪情》呢？