劉佩玥連收兩兵唔止翟威廉? 原來仲有ViuTV陳安立

撰文:
最後更新日期:

TVB力捧花旦劉佩玥(Moon)今日就有報導指與ViuTV嘅陳安立(Brian)疑似拍拖,報導仲話劉佩玥係「收兵」高手,因緋聞男友張list有翟威廉、伍允龍、周志文及何猷亨,雖然Moon對呢件事未有回應,至於「兵」之一嘅翟威廉接受《香港01》訪問時表示,在音樂上和電玩上與Moon都是超級合拍,對於自己做兵一事一笑置之,「根本無咁嘅事,其實話我做兵做賊都無所謂!」

劉佩玥同翟威廉早前就傳出緋聞。(視覺中國)

係翟威廉嘅Instagram上,都不難見到Moon嘅影子!(Instagram圖片)

翟威廉仲話自己都認識Brian,因為大家都好鍾意大籃球,「Brian係我嘅好朋友同隊友,一起打比賽多年,我們連如何封殺對方的必殺投都一清二楚。」提到Moon與一大班好友經常到佢屋企開live唱歌俾fans聽之外,期間翟威廉仲大爆Moon秘密苦練打機,「就係遊戲《英雄聯盟LoL》,她依家嘅角色係艾希,暫時佢仲係一隻菜鳥,但好快就係高手喇!」講到同Moon咁多共同興趣有無機會發展?他表示現在工作太忙,完全無時間諗。

陳安立話今年年底會同劉佩玥做母校校慶司儀。(Instagram圖片)

至於現時正在歐洲拍攝節目嘅陳安立(Brian),佢就話同Moon咗好多年,「我同佢小學到中學都係同學。年尾我地母校沙田浸信會呂明才30週年校慶都會一齊做司儀。」咁咪變TVBxViuTV合作,btw提到報導話佢係Moon嘅「兵」之一,Brian笑言,「當兵?紅豆冰?」兩位男士都好幽默,睇嚟Moon同佢地做朋友都會好開心㗎啫!!



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。