【Code Blue 3】新垣結衣「7年之樣」冇變過 29歲仍然似新丁
撰文：何志衡
出版：更新：
新垣結衣演第二季時只得22歲。
今年29歲的新垣結衣好似冇老過一樣。
劇中結衣BB連造型都冇變過。
日劇《Code Blue》回歸，日本啱啱播Season 3，劇中最注目當然係《逃恥》嘅新垣結衣啦！第一集首播後觀眾都好滿意，無論故事同結衣BB都得到好多正評，但亦都令人留意到，相比7年前播出嘅Season 2，結衣BB唔單只造型冇變，連樣貌都好似冇老過一樣。
《Code Blue》係講翔陽大學附屬北部醫院嘅急救中心一班醫護人員，原班人馬新垣結衣、山下智久、戶田惠梨香一個都不能少，但係跟上一季隔咗7年咁耐，呢班醫護人員仲係唔係新丁呢？暫時播咗嘅第一集就冇提到呢點，大家估住先，不過睇番7年前嘅第二季，嘩！新垣結衣好似穿越時空一樣個樣冇變過，唔講唔知當年佢22歲今年已經29歲，好多人話年近30嘅女性外貌開始成熟，但呢點冇發生喺結衣BB身上，你話佢仍然係新丁都有人信。
好多網友心目中嘅戶田惠梨香應該係彌海砂咁樣。
咁戶田惠梨香又點呢？戶田惠梨香比結衣BB只係細兩個月，係我哋心目中最經典嘅當然係《死亡筆記》嘅彌海砂啦，不過7年前《Code Blue 2》佢已經有少少走樣，今年初佢喺劇集《逆轉真相》演技唔錯，但網民對佢嘅樣貌就有啲微言喇！所以《Code Blue 3》自然就輸咗俾新垣結衣。不過睇劇啫又唔係搵老婆，套劇好睇咪得囉！
《Code Blue 2》嘅戶田惠梨香依然年青。
來到Season 3，戶田惠梨香的確有啲唔同咗。
+10