Ben Sir帶觀眾去睇樓? 大學畢業3年即上車好勵志

撰文:
最後更新日期:

Ben sir歐陽偉豪去年就憑綜藝節目《Ben Sir學堂》教觀眾中文教到係人都識佢,今年6月仲開埋talk show,原來佢好快再開新節目《Ben Sir睇樓團》,但今次佢就唔教大家中文而係帶大家去睇樓,仲會飛去近年買樓投資熱點大阪同曼谷,Ben sir早前接受訪問時有講過覺得買「磚頭」係最好不過。

見到Ben sir,就一定會記得佢教中文嘅嘢。

今年6月,Ben Sir就開埋talk show,認真勁!

睇返過往嘅報道,原來Ben sir與太太現住的羅便臣道雍景臺兩房逾千呎的單位,買到咁好嘅樓並非一個人的付出,Ben sir曾透露與太太結婚前的目標就是儲錢買樓,大學畢業後3年(即1991年)就已經上車,3年後將原本的單位沽出後,再買入杏花邨單位,可惜當時遇上亞洲金融風暴,最後蝕讓杏花邨的單位。2008年適逢樓價大跌,再買入西半山輝煌臺用來收租,最後在2012年以1300萬元買入現時居住的單位。至於面對現時樓價有升無跌,令到不少年青人對於買樓意慾卻步,去年他接受訪問就勉勵年青人應該要有儲蓄的習慣,認為如果有儲蓄當樓價一跌,亦可入市。

不知道今次TVB搵Ben Sir做節目主持,是否事前都做過下research,知道佢自有一套投資方法呢?希望到時Ben Sir係節目中可以透露下喇,教下我地一班年青人嘅致富方法,如果可以教埋中文嘅話,咁就真係一舉兩得喇!!



X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。