英皇娛樂旗下廠牌的樂隊Locksmiths今日（21日）到商場出席聖誕活動揭幕禮，即場表演兩首聖誕歌《Jingle Bells》和《Last Christmas》，活動同場還有師姐容祖兒，五位成員透露今次第二次見到對方，並說：「頭先嚟到嘅時候，祖兒師姐已經『開鎖佬吖嘛』，我哋十分開心。」

被問有師姐在場，表演會否份外緊張，主音大雄表示：「我都講個秘密啦，我最緊張反而係我好少唱英文歌，啱啱嗰兩首exactly係我人生第二、三首嘅歌，第一首歌通常我喺小啲嘅Event唱，就係《Happy birthday》。」更笑稱已苦練了一段時間，若將來有機會同師姐合唱都會很期待。

問到聖誕有什麼計劃，Locksmiths說今年是他們第一年簽公司，希望聖誕與除夕公司會安排工作，讓他們多些機會與大家見面。