前港姐冠軍翁嘉穗（Virginia）於1999年與七海化工集團有限公司主席鄔友正拉埋天窗，婚後育有兩子。不過向來生活低調的鄔友正，近來卻成為風頭人物，有意參與《中年好聲音》外，又進駐小紅書與網民互動，多次語出驚人，近日更自爆2次患癌驚魂。

鄔友正於小紅書以「人生最重要的兩樣寶貝」為題，指不少人以「太忙、冇錢、冇決心及目光唔夠長遠」失去健康的身體同愉快的心情，到後悔時已為時已晚，包括他已過逝的母親：「悔之已晚，包括我患糖尿病的媽媽！我媽媽50多歲得到糖尿病，一路不斷併發其它疾病，渡過非常痛苦的10年，甚至失去了寶貴的生命！」

文中鄔友正更自爆2次患癌驚魂：「68歲那年，因前列腺發炎在深圳照MRI，當時醫生說患上前列腺癌末期需立即醫治，我真係好樂觀，我完全唔驚，大不了就去醫，醫唔好大不了就上天堂，心情依然愉快！」一年後又再出事：「照到肺部有個腫瘤！我家庭醫生好緊張，覺得肺癌機會好大！」慶幸經過檢查後2次均是虛驚一場，但令他覺得兩樣寶貝健康的身體同愉快的心情是人生最重要。