前港姐冠軍雷莊𠒇 （Juliette）今晚（27/11）現身啟德出席時裝騷。Juliette受訪時表示：「自己比較喜歡一啲健康得嚟又性感嘅服飾，最緊要著出嚟要好健康又優雅。（每個要用幾多錢去買衫？）暫時唔使買住，因為返香港之前，我已經帶咗好多夏天衫返嚟，不過呢排天氣凍咗，我就要準備去買返啲外套。」

Juliette不但有樣貌，而且擁有高䠷驕人身材，難免出街經常備受人注目禮：「可能因為我生得高嘅原因，試過搭車嘅時候，不時都會遇到有啲本地嘅男人會不停咁望住你，佢哋係會眼定定咁望住你，其實佢哋望係冇問題，但咁樣望到實一實，我係會覺得好唔舒服，我係試過直接問佢你望咩呀？佢哋係粒聲唔出，然後會即刻掉頭走。」