伍仲衡早前宣布與《校園好聲音 – 唱響中國》冠軍洪心怡簽約，做其經理人。今晚他出席博慈善晚宴時，表示已尋覓對方51年，仲話作為一位音樂人，簽一位自己欣賞嘅歌手是夢想，而洪心怡是由比賽時已讚不絕口的一位歌手，試音兼一齊直播後決左簽約。「佢係塊還沒雕的玉，給我雕幾下就不得了。」周國豐都大讚洪心怡只是一名素人，但在YouTube點擊已有20萬，他亦在比賽時見識過其實力。「我都希望樂壇多一位唱得嘅歌手，咁都係件好事。」

伍仲衡表示自己負責音樂部分，宣傳等事宜交由老婆處理，問到怕唔怕好似之前Eric Kwok與XiX部分成員不和收場，周國豐即附和「佢成日得罪人，呢個大家都知。不過一個人會簡單啲，始終XiX多心又牽涉家長，係難磨合。同埋以佢咁惡性格，應該搞掂。」伍仲衡表示已見過洪心怡家長，對方十分滿意自己。