生命冇take two，後生仔女未諗清楚，一時之快的後果，隨時成為一世的心理傷疤。近日有位少女在Facebook貼文，第一句就寫「My dear happy birthday，mum I love you」，驟眼睇以為是她的仔仔生日，媽媽表達關愛之情，溫馨滿溢。但她之後的貼文卻相當驚嚇，「我依世人最錯嘅決定就係唔要你」，原來她竟將墮胎的日子，當作仔仔的生日，讓人不寒而慄。

這位少女表示一直好掛念仔仔，相信緣分的她，認為若然跟仔仔有緣，「第一次唔要，第二次都係同一個b嚟，如果下一個都係你，我幾辛苦都唔會唔要你，仔仔一歲生日快樂。」雖然該名少女表現得甚為難受，但網民對她卻一面倒的批評，「愈睇愈心寒」、「生唔生都累到個小朋友」、「究竟係生日定死忌？」，最可悲是不但網民未有同情該名少女，甚至連bb生父，該名少女估計對方也不會記得這個日子，所有壓力留下給該名少女獨自承受。

墮胎少女幫bb慶生全文：

無綫藝人呂慧儀，早前在《親親我好媽》中飾演寵愛仔仔的媽媽，現實生活中她亦育有一名2歲仔仔柏翹，她接受《香港01》訪問，知悉該名墮胎少女情況，「咁恐怖嘅，聽到起晒雞皮。其實做每一件事之前都要諗清楚啦，小朋友(被墮胎兒)其實都係一條生命嚟，好可惜同好可悲，佢哋唔可以再話自己係細路仔囉，講到生小朋友呢樣嘢，要take care到個責任先至好有小朋友。唔好諗住我好後生啫，實搞得掂，貿貿然就生小朋友出嚟，未有心理準備就唔好去發生嗰件事(sex)。」呂慧儀雖然很同情該名少女，但對於對方不負責任的行徑，卻感到相當氣憤。

該名墮胎少女提到，事隔一年仍然很掛念未能出世的bb，更說自己「心情好差，好崩潰，喊足一年」。呂慧儀建議對方，「我諗佢搵社工傾下會好啲，始終作為一個媽媽，心理上嘅負擔同陰影都會好大。(bb生父未有俾到足夠關心該名少女)如果個男人有責任心就唔會咁樣啦，但家家有本難唸的經，佢哋之間可能亦發生咗啲問題，佢最緊要係自己自強，係呢件事上面，女仔應該保護咗自己先，好多事要諗清楚。」事情已經發生，希望該名少女能走出墮胎陰霾，重新出發，不要再做糊塗事。