「聲夢小花」姚焯菲（Chantel）最近在新西蘭完成中學課程後返港，一班好耐沒見的「小菲象」（Fans暱稱）為她補祝生日，Chantel的父母及無綫高層樂易玲都有到場。瘦了一圈的Chantel穿上短裙仔，在台上除唱自己歌曲外，還與聲夢好友鍾柔美、張馳豪和林智樂一齊跳唱洗腦神曲《APT.》助興，場面熱鬧。

Chantel於現場接受無綫新聞台的訪問，透露會在香港逗留9個月，並已開始籌備推出新歌。提到生日願望，她謂：「生日願望希望身體健康、開開心心，同埋我好想開一個個人音樂會，未知有冇機會，我都想多啲去旅行。」Chantel的爸爸見到小菲象如此疼錫自己女兒，亦在台上派福利，大爆Chantel鮮為人知的小秘密：「大家都知佢最鍾意食嘢，嫲嫲煲湯佢未飲，聞到已經知裏面咩材料，佢味蕾好犀利，而且佢係有潔癖，但唔係潔癖自己，係潔癖人哋。」全場爆笑。