【BigBoys歷險記】冥通銀行數碼化？ 龍哥話過數百幾萬畀亡魂
撰文：林通賢
出版：更新：
龍哥最近因《BigBoys歷險記》而人氣急升，被人翻炒他在《BigBoyClub》的講鬼節目。
《BigBoys歷險記》節目中的龍哥這兩天人氣急升，其freestyle式念咒驅鬼，加上揮灑自如的喊戲，成功為取代司徒發正，成為新一代驅鬼icon，人紅新聞多，不少網民都翻睇龍哥(杜慶龍)在《BigBoyClub》的講鬼節目，原來龍哥經常上節目，分享自己的捉鬼經驗，龍哥原來法力無邊，連外國鬼都驅到，試過有集分享自己在挪威做洋鬼經驗，話有位當事人被打獵後的亡鹿及樹妖上身，結果.....當然由龍哥解決到啦，而龍哥在節目中都好謙虛，表示自己與鬼交手都好難輸，嗱！冇話唔輸，係好難會輸...真係勁。
龍哥在節目中話可以過百幾萬俾祖先亡魂，簡直神乎奇技。
老土嗰句「信則有、不信則無」，除了在挪威驅鬼，龍哥還分享一次驅鬼經驗，表示自己和一家人的祖先亡魂講數，對方不滿意龍哥，要向玉皇大帝投訴龍哥，大家先知道原來地下世界係有投訴機制，真是活到老學到老，這未算利害，龍哥為了令祖先順氣，竟然提出用錢解決，話補百幾萬陰司紙俾對方，點知對方話唔夠駛，嘩！原來有e-banking，認真數碼化，不過平時燒衣見啲陰司紙，閒閒地5000萬一張，龍哥俾百幾萬又真係少咗啲喎.....