Edan（呂爵安）今午現身銅鑼灣出席活動，由商場到外圍企滿爵屎。Edan現身亦十分識做，不時大派心心，甚至連活動主持小儀都唔放過，為其改名「小儀豬」。

Edan 接受訪問時表示用兩日時間煲完《魷魚遊戲》，仲話自己最大機會走到最後，又指Anson Lo同Jeremy 最大機會最快陣亡，但姜濤亦有可能隨時被撻着勝負欲，而001大奸角可由Lokman 上演。

日前Edan上載與細妹小如豬合照，他笑稱能影合照十分欣慰，又爆小如豬收到第一份糧後全數分給自己同媽媽 ，但自己第一份糧從未上繳。

提到新歌《純銀子彈》有不同的解讀，Edan 表示：「我當時就係send demo版畀Wyman，佢都話有句好觸動到佢，所以佢用自己角度寫返出嚟。（同因為最近啲新聞有關？）我唔會否認嗰啲的確係我一啲感受，有時大家都諗多住，我主要都係想表達自己感受。」

另外，問到Edan有無留意Threads 有帖文指他聖誕節飛巴黎，疑與緋聞女友林明禎密會，他說：「有見到，但工作以外嘅事唔回應。」